देशका प्रमुख चार शहरमा मेनुका पौडेलको पहिलो लाइभ कन्सर्ट हुँदै

काठमाडौं– नेपाल आइडल, भारतीय टिभी च्यानल सारेगमप तथा इन्डियन आइडलमा पनि माथिल्लो स्थानसम्म पुग्न सफल मेनुका पौडेलको आफ्नो पहिलो लाइभ साङ्गीतिक कार्यक्रम काठमाडौंबाट सुरु हुने भएको छ ।

उनको आर्टिस्ट म्यानेजर माईपे इमेन्ट्सले जनाएअनुसार तपस्या इन्टरटेन्मेन्टको आयोजनामा नेपालका प्रमुख ४ शहरहरुमा २०८० फागुन १८ गतेदेखि चैत १६ गतेसम्म काठमाडौं., चितवन, पोखरा र इटहरीमा उनको सङ्गीतिक कार्यक्रम हुन लागेको हो । उनको सम्पूर्ण कार्यक्रमको टिकट अनलाइनबाटै माईपे डिजिटल वालेटबाट लिन सकिने आयोजकले जनाएका छन् ।

फागुन १८ गते काठमाडौंको क्लब प्लाटिनममा साँझ ७ बजेदेखि सुरु हुने कार्यक्रममा साधारण टिकटको दर १ हजार रुपैयाँ तथा विशिष्ट टिकटको दर १५ सय रुपैयाँ राखिएको कार्यक्रमको टिकेटिङ पार्टनर माईपे वालेटले जनाएको छ ।