नेपालको महिला फुटबल टिम फिफा वरियताको शीर्ष सयभित्र

आफ्नै खबर

२ महिना अघि

पाठक संख्या १४

काठमाडौं- राष्ट्रिय महिला फुटबल टिमको विश्व वरियतामा ५ स्थान सुधार भएको छ । 

साउदी अरबमा हालै सम्पन्न वाफ वुमन्स च्याम्पियनसिपको फाइनल खेलेको नेपालको महिला टिमले फिफा वरियता सुधार गरेको हो । 

नेपालको महिला फुटबल टिम फिफा वरियतामा शीर्ष सय भित्र पर्न सफल भएको छ । गत महिना सम्पन्न वाफ च्याम्पियनसिपको फाइनलसम्म पुगेको नेपाल उपाधि भिडन्तमा जोर्डनसँग पेनाल्टी सुटआउटमा पराजित भएको थियो । 

फिफा विन्डो अन्तर्गत आयोजना भएको प्रतियोगितामा नेपालले फाइनलसम्म शानदार प्रदर्शन गरेको थियो । 

विश्व वरियतामा स्पेन शीर्ष स्थानमा रहदाँ इङ्ल्याण्ड दोस्रो, फ्रान्स तेस्रो, यूएस चौथों र जर्मनी पाँचौं स्थानमा छन् ।

महिला फुटबलमा एसियाबाट जापान सातौं स्थानमा रहदाँ छिमेकी भारत ६६ औं स्थानमा छ ।