हाम्रो नेपाली पार्टीले फिर्ता लियो बागमती प्रदेश सरकारलाई दिएको समर्थन

हेटौँडा- हाम्रो नेपाली पार्टीले बागमती प्रदेश सरकारलाई दिएको समर्थन फिर्ता लिएको छ । हाम्रो नेपाली पार्टी बागमती प्रदेश संसदीय दलका नेता शैलेन्द्रमान बज्राचार्यले सरकारलाई दिएको समर्थन फिर्ता लिएको जानकारी दिनुभयो । 

सरकारलाई दिएको समर्थन फिर्ता लिएको पत्र  बागमती प्रदेश प्रमुखलाई जानकारी गराएको उहाँले बताउनुभयो । हाम्रो नेपाली पार्टीले गत वर्ष पुसमा नेकपा माओवादी केन्द्रका नेता शालिकराम जम्कट्टेल नेतृत्वको सरकारलाई समर्थन दिएको थियो । 

प्रदेशमा आफूहरुले मुख्यमन्त्री माग गरेको बताउँदै संसदीय दलका नेता बज्राचार्यले सो नपाएमा विपक्षमा बस्ने बताउनुभयो । 

यसअघि नेपाली कांग्रेसले प्रदेश सरकारलाई दिएको समर्थन फिर्ता लिएसँगै वर्तमान सरकार अल्पमतमा परेको छ । यस प्रदेशमा हाम्रो नेपाली पार्टीको दुई जना प्रदेश सभा सदस्य छन् ।