एनआइसिसिआईकोे साधारणसभामा मानार्थ सदस्य र महावाणिज्यदूतलगायतलाई सम्मान

आफ्नै खबर

१७ चैत २०८० शनिबार (१ बर्ष अघि)

पाठक संख्या ८४

काठमाडौं/ नेपाल–इटाली चेम्बर अफ कमर्स एन्ड इन्डस्ट्री (एनआइसिसिआई)ले अध्यक्ष सञ्जय अग्रवाल, नेपाल–इटाली चेम्बर अफ कमर्सका मानार्थ सदस्य राजेशकाजी श्रेष्ठ र इटालीका लागि नेपालका महावाणिज्यदूत प्रतिमा राणा पाण्डेलगायत एनआइसिसिआईका अन्य प्रमुख व्यक्तित्वहरूलाई सम्मान गरेको छ । चेम्बरले १०औँ वार्षिक साधारणसभामा चेम्बरको उद्देश्यप्रति उहाँहरूको अटल प्रतिबद्धताका लागि प्रशंसापत्र प्रदान गरेर सम्मान गरेको हो ।

साधारणसभाले इटाली र नेपालबीच बलियो व्यावसायिक सम्बन्ध प्रवद्र्धन गर्ने चेम्बरको अटल प्रयासमा एउटा महत्वपूर्ण कदम साबित भएको निष्कर्ष निकालेको छ । कार्यक्रममा प्रमुख अतिथि सूचना तथा सञ्चारमन्त्री रेखा शर्माले ‘एनआइसिसिआई डाइरेक्टरी’को अनावरण गर्नुभएको थियो ।

त्यस्तै, नवनियुक्त सदस्यहरूलाई स्वागत र सम्मान गर्नुका साथै एनआइसिसिआईको नेपाल र इटालीबीचको व्यापार र लगानीलाई प्रोत्साहन गर्ने उद्देश्यप्रति उहाँहरूको समर्पणको प्रमाणको रूपमा सदस्यता प्रमाणपत्र प्रदान गरिएको थियो । 

राजेशकाजी श्रेष्ठ, श्रीमती प्रतिमा पाण्डे र माननीय रेखा शर्मालगायत विशिष्ट वक्ताहरूले एनआइसिसिआईले विगत वर्षमा हासिल गरेका उपलब्धिबारे छलफल गर्नुभएको थियो । उक्त छलफलमा नेपाल र इटालीबीच आर्थिक वृद्धि र फलदायी साझेदारीलाई अझ वृद्धि गर्ने चेम्बरको अटुट प्रयासलाई जोड दिइएको थियो ।

एनआइसिसिआईका अध्यक्ष सञ्जय अग्रवालले सबै सदस्यहरूलाई उहाँहरूले गर्नुभएको अटल सहयोग र समर्पणका लागि आभार व्यक्त गर्नुभएको थियो । उहाँले नेपाल र इटालीबीचको व्यापारिक सम्बन्ध र आर्थिक विकासलाई उत्प्रेरित गर्ने एनआइसिसिआईको अटल प्रतिबद्धता रहिरहने बताउनुभयो ।