गण्डकी प्रदेशको मुख्यमन्त्रीमा एमालेका अधिकारीको दाबी

आफ्नै खबर

२५ चैत २०८० आईतबार (८ महिना अघि)

पाठक संख्या ६१

काठमाडौं- गण्डकी प्रदेशको मुख्यमन्त्रीमा एमालेका संसदीय दलका नेता खगराज अधिकारीले दाबी पेस गर्नुभएको छ। उहाँले आइतबार बिहान प्रदेश प्रमुख डिल्लीराज भट्टसमक्ष दाबी पेस गर्नुभएको हो।

अधिकारीले एमालेका २२, माओवादी केन्द्रका ८ र स्वतन्त्र सांसद दीपक मनाङेको समर्थनमा दाबी पेस गर्नुभएको हो।

गत बिहीबार मुख्यमन्त्री सुरेन्द्रराज पाण्डेले पदबाट राजीनामा दिएपछि प्रदेश प्रमुख भट्टले यही चैत २७ गतेसम्म मुख्यमन्त्रीमा दाबी गर्न समय दिनुभएको थियो ।

    समयसीमा सकिनुभन्दा दुईदिन अगावै गठबन्धन दलले मुख्यमन्त्रीमा दाबी पेस गरेका हुन् । कूल २७ सदस्य रहेको प्रदेशसभाको सबैभन्दा ठूलो दल नेपाली कांग्रेसबाट मुख्यमन्त्री बन्नुभएका पाण्डेले विश्वासको मत पाउने आधार नदेखेपछि राजीनामा दिनुभएको थियो ।

    तत्कालीन सत्ता साझेदार माओवादी केन्द्रले सरकारलाई दिएको समर्थन फिर्ता लिएपछि पाण्डे नेतृत्वको सरकार अल्पमतमा परेको थियो । दुई सदस्य रहेको राष्ट्रिय प्रजातन्र पार्टी भने प्रदेश सरकारलाई समर्थन गर्ने/नगर्ने विषयमा अनिर्णित छ ।