सबैभन्दा बढी रेमिट्यान्स भित्र्याएकोमा आइएमई सम्मानित 

आफ्नै खबर

१४ बैशाख २०८१ शुक्रबार (१२ महिना अघि)

पाठक संख्या ६५

काठमाडौं/  सबैभन्दा बढी रेमिट्यान्स भित्र्याएकोमा आइएमई लिमिटेड सम्मानित भएको छ । नेपाल राष्ट्र बैंकले आफ्नो ६९औँ वार्षिकोत्सवको अवसरमा आव ०७९/८० मा  रेमिट्यान्स कम्पनीहरूमध्येबाट सबैभन्दा बढी २७.५ प्रतिशत रेमिट्यान्स भित्र्याउन सफल भएकोमा  आइएमईलाई सम्मानित गरेको हो ।

राष्ट्र बैंकमा शुक्रबार आयोजित समारोहमा गभर्नर महाप्रसाद अधिकारीले आइएमई  लिमिटेडका  प्रमुख कार्यकारी अधिकृत खिलेन्द्र पौडेललाई प्रशंसापत्र प्रदान गर्नुभयो । विप्रेषण आप्रवाहले देशको समष्टिगत आर्थिक स्थायित्व, सामाजिक आर्थिक सुधारलगायत बाह्य क्षेत्र सन्तुलनसमेतमा योगदान पु¥याएकाले प्रशंसापत्र प्रदान गरिएको राष्ट्र बैंकले उल्लेख गरेको छ ।

प्रशंसापत्र ग्रहण गर्दै आइएमई  लिमिटेडका  प्रमुख कार्यकारी अधिकृत पौडेलले यो सम्मानबाट आफ्ना ग्राहकलाई भरपर्दाे, सुरक्षित तथा अत्याधुनिक फिनटेक प्रविधिसहितको रेमिट्यान्स सेवा प्रदान गर्न आइएमई थप उत्साहित भएको बताउनुभएको छ । नेपाल राष्ट्र बैंकले आफ्नो वार्षिकोत्सवको अवसरमा सर्वाधिक रेमिट्यान्स भिœयाउने बैंक तथा रेमिट्यान्स कम्पनीहरूलाई सम्मानित गर्दै आएको छ ।

कम्पनीले सेवा शुभारम्भको २२औँ वर्षसम्ममा नेपालका सहरी तथा ग्रामीण क्षेत्रलाई समेट्ने गरी २ सय २५ आइएमई सेन्टरसहित ७७ जिल्लाका करिब १२ हजार सबएजेन्ट र बैंक तथा वित्तीय संस्थाका शाखामार्फत विदेशमा कार्यरत नेपालीले कमाएको रकम देशका विभिन्न भूगोलमा रहेका आफन्तको हातमा छिटो, छरितो, विश्वसनीय र सुरक्षित तवरबाट वितरण गर्दै आइरहेको छ ।