आज नीति तथा कार्यक्रम सार्वजनिक हुँदै, के गर्ला काङ्ग्रेस ?

आफ्नै खबर

१ जेठ २०८१ मंगलबार (७ महिना अघि)

पाठक संख्या २९९

काठमाडौँ सरकारको आगामी आर्थिक वर्ष २०८१-८२ को वार्षिक नीति तथा कार्यक्रम आज (मङ्गलबार) सार्वजनिक हुँदैछ । राष्ट्रपति रामचन्द्र पौडेलले आज सङ्घीय संसद्का दुवै सदनको संयुक्त बैठकलाई सम्बोधन गर्नुहुँदै नीति तथा कार्यक्रम प्रस्तुत गर्ने कार्यक्रम रहेको छ ।

सरकारको वार्षिक बजेट अघि सङ्घीय संसद्को दुवै सदनमा वार्षिक नीति तथा कार्यक्रम प्रस्तुत गर्ने अभ्यास छ । सरकार मन्त्रिपरिषद्को सिफारिसमा नेपालको संविधानको धारा, ९५ बमोजिम आज ३ बजे राष्ट्रपति पौडेलले सङ्घीय संसद्को दुवै सदनको संयक्त बैठकलाई सम्बोधन गर्नुहुँदै नीति तथा कार्यक्रम प्रस्तुत गर्नुहुनेछ ।

सङ्घीय संसद्का सबै सदस्यलाई दिनको २ः४५ बजेभित्र औपचारिक पोसाकमा उपस्थिति भई आ–आफ्नो आसन ग्रहण गरिसक्न भनिएको छ ।

यसैबीच, नेपाली काङ्ग्रेस भने संसद चल्न नदिने पक्षमा छ ।  सहकारी ठगी काण्डमा  गृहमन्त्रीको संलग्नता रहेको भन्दै छानविनबा  लागि संसदीय  समितिको माग गर्दै  काङ्ग्रेसले निरन्तर संसद अवरोध गरिरहेको छ । त्यसैले आज पनि संसद चल्नेमा आशंका रहेको कतिपय सांसद बताउँछन् ।