निओ मनी ट्रान्सफरको सेवा कुवेतबाट पनि

आफ्नै खबर

२८ साउन २०८१ सोमबार (४ महिना अघि)

पाठक संख्या १२८

काठमाडौं/  निओ मनी ट्रान्सफरले कुवेतबाट पनि सेवा सुरु गरेको छ । कम्पनीले कुवेतको अल–एक्तसाद युनाइटेड एक्सचेन्जसँग सहकार्य गरी सेवा सुरु गरेको हो । 

सहकार्यसँगै अब कुवेतमा बसिरहेका नेपालीहरूले सुरक्षित र सहज रुपमा पैसा पठाउन सक्ने कम्पनीले जनाएको छ । निओ मनी ट्रान्सफर पछिल्लो समय नेपालमा स्थापित एउटा छिटो, भरपर्दो र सुरक्षित मनि ट्रान्सफर कम्पनी रहेको दावी छ । 

हाल कुवेतमा हजारौँ नेपाली आफ्ना परिवारका लागि काम गर्ने क्रममा बसोबास गरिरहेका छन् । कुवेतमा रहेका नेपालीहरूले अब अल–एक्तसाद युनाइटेड एक्सचेन्जको १२ वटा शाखाबाट छिटो र प्रभावकारी रुपमा नेपालमा पैसा पठाउन सक्ने कम्पनीले जनाएको छ ।

बैंक तथा वालेट भुक्तानी कारोबारहरू निओ मनी ट्रान्सफरको आधुनिक प्रविधिबाट तुरुन्तै सेवाग्राहीको खातामा भुक्तानी हुने जनाइएको छ । साथै, नगदमा पठाइएको कारोबार पनि निओ मनी ट्रान्सफरका नेपालभर रहेका १५ हजारभन्दा धेरै शाखाहरूबाट सजिलै प्राप्त गर्न सकिने जनाइएको छ ।

नयाँ सहकार्यबारे निओ मनी ट्रान्सफरका प्रमुख कार्यकारी अधिकृत सागर खनालले भन्नुभयो, ‘हामी अल–एक्तसाद युनाइटेड एक्सचेन्जसँग नयाँ साझेदारीको घोषणा गर्न पाउँदा निकै उत्साहित छौँ, मलाई आशा छ सबैभन्दा कम शुल्क र प्रतिस्पर्धी दरहरूमा कष्ट अफ मुभिङ फण्ड घटाउने हाम्रो दृष्टिकोणलाई यस सहकार्यले समर्थन गर्दै आफ्ना प्रियजनलाई सहयोग गर्न विदेशिएका नेपाली प्रवासीहरूको भावनालाई कदर गर्न महत्वपूर्ण भूमिका निर्वाह गर्दछ ।’