संकटापन्न प्रजाति संरक्षणमा अरिट इन्टरनेसनल

आफ्नै खबर

२ कात्तिक २०८१ शुक्रबार (१ महिना अघि)

पाठक संख्या ७९

काठमाडौं/  अरिट इन्टरनेसनल आफ्नो कर्पोरेट सामाजिक उत्तरदायित्व प्रयासलाई वन्यजन्तु संरक्षणमा केन्द्रित गर्दै विस्तार गरेको छ । संयुक्त राष्ट्रसंघको एसडिजी १५ अनुरूप अरिटले अब

आफ्ना ग्राहकहरूलाई चितवन, नेपालमा संकटापन्न प्रजाति र तिनीहरूको आवासको संरक्षणका लागि पहलहरूमा समर्थन गर्ने अवसर प्रदान गर्ने भएको हो । 

यसका लागि कम्पनीले प्रत्येक सवारी साधन बिक्रीमा खाद्य तथा शिक्षा प्रदान गर्ने फुड फर लाइफ र होस्टे हाइँसेसँगको वर्तमान साझेदारीलाई आधार मान्दै आफ्ना ग्राहकहरूलाई शिक्षा, पोषण, वा वन्यजन्तु संरक्षणमा योगदान दिने विकल्प प्रदान गर्ने जनाएको छ । 

यस पहलले चितवनका बंगाल टाइगर, एक सिङ्गे गैंडा र एशियाली हात्ती जस्ता वन्यजन्तुको संरक्षण गर्ने लक्ष्य राखेको कम्पनीको भनाई छ । यस कार्यलाई समर्थन गर्नु भनेको मानिस र वन्यजन्तु शान्तिपूर्वक सहअस्तित्व गर्ने भविष्य सुनिश्चित गर्नु रहेको कम्पनीले उल्लेख गरेको छ । 

‘हाम्रो सामाजिक उत्तरदायित्व कार्यक्रमलाई वन्यजन्तु संरक्षणमा समावेश गर्नु भनेको सबैका लागि दिगो भविष्य सुरक्षित गर्ने विषय हो’, अरिटका क्रिएटिभ सल्लाहकार रोहन अदुकियाले भन्नुभयो, ‘हाम्रा ग्राहकहरूले अब मानिस र पृथ्वी दुवैमा अर्थपूर्ण प्रभाव पार्न सक्नेछन् ।’

अरिट इन्टरनेसनल विलासी मोटर कम्पनी हो । यो उत्कृष्ट सवारी साधन र दिगो विकासमा समर्पित छ । यसको सामाजिक उत्तरदायित्वका पहलहरूले खाद्य सुरक्षा, शिक्षा, र वन्यजन्तु संरक्षणलाई समर्थन गर्ने जनाएको छ ।