लेकवेशीमा सिपमुलक तालिम

सुर्खेत/ लेकवेशी नगरपालिकामा सञ्चालित सिपमुलक तालिम सम्पन्न भएको छ । नगरपालिको वडा नम्बर ३ मा भएको तीन महिने सिलाई कटाई तालिम नेपाल भारत मैत्री संघ कर्णाली प्रदेशको सहयोगमा संचालन भएको हो । 

तालिम कार्यक्रमको समन्वय कर्णाली एकता समाज लेकवेशी–३ ले गरेको थियो । समापन कार्यक्रम कर्णाली एकता समाजको अध्यक्षता तथा नगरपालिकाका प्रमुख उमेश कुमार पौडेलको प्रमुख आतिथ्यमा भएको हो । 

भद्रपुरमा सिरक वाँडिने 
त्यस्तै, संघले भारतको ७६औं गणतन्त्र दिवसको अवसर पारेर सिरक वितरण गर्ने भएको छ । संघले झापा जिल्लाको भद्रपुरमा सिरक वितरण गर्ने भएको हो ।

सिरक वितरण भद्रपुर नगरपालिकाको कार्यालयमा माघ १३ गते गर्ने तयारी रहेको नेपाल–भारत मैत्री संघ झापा शाखाले जनाएको छ ।