पत्रकारद्वय घिमिरे र चालिसे अभिनन्दित

आफ्नै खबर

    (९ महिना अघि)

पाठक संख्या ३०७

काठमाडौं/  साहित्यिक पत्रकारिता क्षेत्रमा योगदान दिने दुई साहित्यिक पत्रकारलाई अभिनन्दन गरिएको छ । अभिनव साहित्य समाजले २४औँ वार्षिकोत्सवका अवसरमा शनिबार रोचक घिमिरे र विजय चालिसेलाई अभिनन्दन गरेको हो । 

उक्त अवसरमा वेदमणि अभिनव गजल पुरस्कारबाट रामबहादुर पहाडीलाई सम्मान गरिएको थियो ।

त्यस्तै, गोविन्दप्रसाद घिमिरे वेदमणिद्वारा लिखित ‘परिणति’ उपन्यासको लोकार्पण गरिएको थियो । साथै अभिनवको दुई सय ७७औँ नियमित मासिक कविता वाचन कार्यक्रम पनि शनिबार नै सम्पन्न भएको छ । 

उक्त अवसरमा समाजका अध्यक्ष गोविन्दप्रसाद घिमिरे ‘वेदमणि’, साहित्यकार मेनका आचार्य र साहित्यकार परशुराम पराजुलीले सम्मानित एवं अभिनन्दित व्यक्तित्वका बारेमा विचार प्रस्तुत गरेका थिए ।

साहित्यकार एवं पूर्वसचिव गोपी मैनालीले लोकार्पित पुस्तकबारे चर्चा गर्नुभएको थियो । प्रह्लाद पोखरेल तथा युवराज मैनाली, बाजुराम पौडेल, निर्मणरमण पराजुली, खोलोघरे साहिँलो, सुरेन्द्र रिमाल, विश्वनाथ दाहाल, सीताराम सापकोटा, शर्मिला तिमल्सिना, दिव्यलक्ष्मी पोखरेल, सुरेशचन्द घिमिरे, कविराज घिमिरे, कृष्णप्रसाद पौडेललगायते आ–आफ्ना रचना वाचन गरेका थिए ।