किसानले पाए अनुदानमा ‘मिनी टिलर’

आफ्नै खबर

२१ चैत २०८१ बिहिबार (५ महिना अघि)

पाठक संख्या १७४

कञ्चनपुर/  चैते धानखेती गर्ने शुक्लाफाँटा नगरपालिका–१० का ६ जना किसानलाई ५० प्रतिशत अनुदानमा मिनी टिलर उपलब्ध गराइएको छ ।

कृषि ज्ञान केन्द्रको चैतेधान प्रवर्द्धन कार्यक्रमअन्तर्गत ध्रुवतारा सामुदायिक विकास कृषि सहकारी संस्थामा आबद्ध किसानलाई मिनी टिलर उपलब्ध गराइएको हो । 

‘असी हजार रुपैयाँ पर्ने मिनी टिलर किसानलाई आधा मूल्यमा उपलब्ध गराएका छौँ’, सहकारीका प्रबन्धक ललिता पन्तले भन्नुभयो, ‘६ वटा मिनी टिलरसँगै तीन वटा पाइडल इलेक्ट्रिक धान थ्रेसर र सिँचाइका लागि एक वटा बोरिङ ५० प्रतिशत अनुदानमा किसानलाई उपलब्ध गराएका छौँ ।’

योसँगै प्रधानमन्त्री कृषि आधुनिकीकरण परियोजनाअन्तर्गत प्राप्त एक वटा मिनी टिलर पनि ५० प्रतिशत अनुदानमा किसानलाई उपलब्ध गराइएको उहाँले बताउनुभयो । 

चैतेधान प्रवर्द्धन कार्यक्रमअन्तर्गत कृषि ज्ञान केन्द्रले यान्त्रीकरणमा अनुदान उपलब्ध गराउन र चैते धानखेतीका लागि सहकारीलाई सात लाख १९ हजार रुपैयाँ प्रदान गरिएको प्रबन्धक पन्तले जानकारी दिनुभयो । सहकारीमा आबद्ध किसानले चालु आवमा ६ बिघामा चैतेधान रोप्न बेर्ना तयार गरेका छन् ।

–रासस