तीवारी स्टोर्सले जित्यो वाइ वाइ थोक विक्रेता उपहार अन्तर्गत नेटा भी कार

आफ्नै खबर

११ बैशाख २०८२ बिहिबार (२ महिना अघि)

पाठक संख्या १३३

काठमाडौं/  वाइ वाइ चाउचाउले थोक विक्रेताहरुलाई लक्षित गर्दै संचालन गरेको ‘थोक विक्रेता उपहार योजना’ अन्तर्गत जोरपाटीस्थित तिवारी स्टोरका संचालक रामेश्वर तिवारी नेटा भी कार जित्न सफल हुनुभएको छ । तिवारीलाई वाइ वाइका प्रमुख कार्यकारी अधिकृत प्रदीप पुडासैनीले कार हस्तान्तरण गर्नुभयो ।

काठमाडौं, भक्तपुर र ललितपुरका थोक विक्रेताहरुलाई लक्षित गर्दै संचालन गरिएको थोक विक्रेता उपहार योजना अन्तर्गत प्रत्येक ५० कार्टुन वाइ वाइ चाउ चाउ खरिद गर्दा थोक विक्रेताहरुलाई पहेँलो कुपन र पाँच सय कार्टुन खरिद गर्दा हरियो कुपन प्रदान गरिएको थियो जसबाट थोक विक्रेताहरुले लक्की ड्र मा समाबेस हुने अवसर प्राप्त गरेका थिए ।  

लक्की ड्र मार्फत भाग्यशाली थोक विक्रेताहरुले नेटा भी गाडी, हिरो एक्सपल्स मोटरसाइकल, एलजी टेलिभिजन, एलजी फ्रिज, शाश्वत धाम घुम्ने प्याकेज, स्मार्ट वाच जस्ता उपहार जित्न सक्ने वाइ वाइले घोषणा गरेको थियो ।

नेटा भी विजेता बनेपछी तिवारीले भन्नुभयो, ‘वाइ वाइ अहिले प्रत्येक नेपालीको पहिलो रुचिको चाउचाउ बनिसकेको छ । यो पुरस्कारप्रति म निकै आभारी छु । यस्तो हौसलाले थोक विक्रेताहरुलाई अझै प्रेरित गर्छ ।’

यही योजनाअन्तर्गत काठमाडौंको केएबि  स्टोर, राम एण्ड गणेश स्टोर र हाम्रो स्टोर, भक्तपुरको उज्वल स्टोर र ललितपुरका प्रकाश प्रधानले हिरो एक्सपल्स मोटरसाइकल जितेका छन् । त्यस्तै, उपत्यकाका ५ थोक विक्रेताले ५५ इन्चको एलजी टिभी, १० थोक विक्रेताले एलजीको फ्रिज, ५० जनाले साश्वतधाम भ्रमण प्याकेज र ७० जनाले स्मार्ट वाच जितेका छन् ।

कार्यक्रममा बोल्दै वाइ वाइका सीईओ पुडासैनीले वाइ वाइको सफलताको श्रेय नेपाली उपभोक्ताको वाइ वाइ प्रतिको माया र वितरण सञ्जालमा संलग्न सबै साझेदारलाई जाने बताउनु भयो ।