एकै विद्यालयका ७ जनाले ल्याए ४ जिपिए, सातै जना छात्रा

आफ्नै खबर

१५ असार २०८२ आईतबार (४ घण्टा अघि)

पाठक संख्या १६२

काठमाडौँ/ गोकर्णेश्वर नगरपालिका वडा नं. ८, आत्तरखेलमा रहेको बौद्ध इनटरनेशनल स्कुलबाट एसइई परीक्षा दिएका
सात जनाले चार जिपिए ल्याएका छन् । उनीहरू सातै जना छात्रा रहेका  छन् । 

विद्यालयका प्रधानाध्यापक हरि लामाले विद्यालयले पहिलो पटक एसइईमा ४ जिपिए ल्याउन सफल भएको भएपनि एकैपटक सात जना विद्यार्थीले यो नतिजा ल्याउनु सुखद भएको बताउनु भयो । 

उहाँका अनुसार कुल ७६ जनाले एसइई परीक्षा दिएकामा ६५ जना विद्यार्थीले ३.६ जिपिए भन्दा माथि ल्याएको र चार जनाको भने ए ग्रेड आएको बताउनु भयो । ए भन्दा तल्लो ग्रेड कुनै विद्यार्थीको नआएको उहाँको भनाइ छ ।

विद्यार्थीहरूको न्यूनतम जिपिए ३.४१ आएको र औसतमा ३.८३ रहेको उहाँले बताउनुभयो । बोर्डको परीक्षामा आएको यो नतिजासँगै विद्यार्थीको चौतर्फी विकासमा पनि विद्यालय सक्रिय र सचेत रहेको उहाँको भनाइ छ ।