आनन्द साहको परिवारलाई ५ लाख सहयोग

धनुषा/  प्यालेस्टिनी राजनीतिक तथा सैन्य समूह हमासको आक्रमणमा परी गत असोजमा ज्यान गुमाएका धनुषाका आनन्द साहको परिवारलाई मधेश प्रदेश सरकारले ५ लाख रुपैयाँ सहयोग गरेको छ ।

प्रदेश सरकारबाट घोषणा भएअनुरूप मुख्यमन्त्री सरोजकुमार यादवले आज मृतक साहका बुबा सोमन साहलाई ५ लाख रुपैयाँको चेक हस्तान्तरण गर्नुभएको हो । 

गत असोज २० गते इजरायलको मध्य र दक्षिण क्षेत्रमा हमास समूहले गरेको आक्रमणमा परी धनुषाको लक्ष्मीनियाँ– ४ का आनन्द साहसहित अध्ययन भ्रमणमा रहेका १० जना विद्यार्थीको निधन भएको थियो ।